ACOE firma un convenio con ABANCA

Inicio » Novas » ACOE firma un convenio con ABANCA

ACOE e Abanca sellan un convenio para ofrecer ventaxas financieiras ós comerciantes locais

A directora territorial de Abanca en Pontevedra, Carmen Fernández Penas, e o presidente da Asociación de Comerciantes de A Estrada (ACOE), Alfredo González Otero, firmaron na tarde de onte un convenio financeiro que ofrecerá vantaxes ós socios do colectivo local, fundamentalmente no referido á tramitación de créditos e á activación económica e comercial do municipio.

Este novo acordo subscrito entre banca e empresariado permitirá ós comerciantes adheridos a ACOE acceder a unha amplia oferta financeira con condicións máis favorables que as establecidas para o resto do mercado. Así, os asociados poderán contratar produtos como pólizas de crédito, préstamos persoais e hipotecarios, “leasing” mobiliario, anticipos sen intereses ou sen comisións, avales, liñas de desconto comercial e incluso desfrutar de condicións especiais na contratación de liñas de comercio exterior.

A rúbrica deste acordo, celebrada na sede de Abanca en A Estrada, ofrece tamén ós comerciantes a comercialización de produtos específicos da citada entidade financeira, tales como o servicio de financiación no punto de venta (Aplazos) nas súas dúas modalidades: con Terminal Punto de Venta (TPV) no establecemento, ou sen este sistema, é dicir, a través da web. Precisamente, os asociados, beneficiaranse de tarifas personalizadas á hora de dar de alta e realizar o mantemento dos dispositivos TPV.

Por outra parte, os membros de ACOE tamén poderán beneficiarse das liñas especiais de financiación incluídas no Plan Activamos impulsado por Abanca e pensados para impulsar o emprendimento e as novas inversións, así como a creación de emprego e a mellora da eficiencia enerxética dos establecementos. Tamén poderán acollerse ás liñas de financiación oficial de ICO e Igape, así como ós convenios que a entidade financeira ten subscritos coa sociedade de garantía recíproca Sogargo. Ademais, terán a súa disposición o novo Programa Cero Comisións Abanca mediante o cal a entidade permite os seus clientes eliminar os gastos de mantemento de contas e tarxetas así como os referidos ás transferencias, ingresos de cheques e outras operacións comúns que, habitualmente, se cobran.

 

Fonte: Faro de Vigo

Deixa unha resposta

O teu enderezo electrónico non se publicará Os campos obrigatorios están marcados con *

Sin-título-1

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.

CERRAR